Dîlemmaya Demokrasîxwezî Û Sewreperestiyê Li Ser Sewreya 15`ê Pûşperê û Şiyankariya Zorbaz A Erdoxanê Gurcînijad

Ez ne alîgirê sewrê me lê ev zorbaz dê çawa ji şiyanê bê gêr kirin ? Vê pirsê gelek kes ji xwe dike. Kifş û bel e ku ji bilî min û te gelek kesî din jî ev pirs ji xwe kirin e.Çim ku êdî jiyana gelên Tirkiyê, jiyna nîveya gelên tirkiyê nefsê kurd û elewiyan di xetereyê de ye. Êdî azadiya mirovan ,namûsa mirovan ne ewle ye, ne sewgir e. Çim ku êdî tu riyên aştiyane nemane ku şiyankariyê bê guhartinê. Êdî mecal nemaye.

Ev bi rastî belênayeke mezin li ber mirovan bû

Mirovê ne têkildarê koşa şiyanê ne hewce ye ku piştevaniya sewrekaran bike daku mirovekî hilbijartî ji aliyê sewrekaran ve bê wergerandin û piştre sazûmaneke nû a zorbaziya xwe ava bike. Kesê ku bi darê zorê bê ser şiyankariyê wê bi darê zorê jî bidolivîne. Ev hertim rêzikeke zêrîn e. Lê belê eger zorbazek bi riyên awişt û rewişt û bê sere xuhremendiyê, were ser text an hilkişe ser hûkmê, lewre biriyên bêrewişt û bêsinc hemû cokû cihokên serperiştiya şiyanê niximandin,tibaliya rê û regehên gihiştina şiyanê stimandin, sercemiya peywendiyên peşar û mirovên heyidî remilandin,dê çawa ew zorbaz wek peykerê demokrasiyê bê pejir kirin û dê çawa wek sparteya evra bê pesind kirin, dê çawa wek qidoşê nepelbar bê berisandin ?

Ev çi dubendiyeke bêhempa ye.

Bi kurdî derbeya leşkerî çiye sewre ye. Sewre peyveke erebî ye lê ji mêj ve di kurdî de cih girtiye sewrekar ango mîlîterputsch putschist jî sewrekar e hemd û sena ji xwedê re be ku di kurdî de kesek sewrekariyê û şoreşgeriyê nagelmişîne. Her kes dizane şoreş çiye û sewre çiye.

Ev sewreya ji aliyê NATO ve hat kirin kesên ku ev derbe xwestin li Erdoxanê gurcînijad bixin hêzên rojavayî bûn ango Emerîqa, Îngîlistan û Frenkistan bûn Ev her sê dûgel û hevpemanên wan ên NATO`ê xwestin derbeyekê li Erdoxanî bixin

Rastî ev e

Di navbera Tirkiyê û Frenkistanê de li ser Sûriyê gengeşe û şer hebû ev şer xwe wek terorê dinimand her du aliyan li hev dû dixisitn bi nave DEÎŞê lê belê dawiyê ku gava Erdoxanê
navdar, navnas û li wir bi qamyonê hovane gel û geştiyarên ji hemû cîhanê da hincirandinê, Serok û pêşnişînê dûgela Frenkistanê birêz Hollande ji Pentagonê re telefon kir û got êdî mecala me namaye ku em bi vî Erdoxanê Gurcînijad û xwînxwer re, bi nevîçirkê Hûlagû re şer bikin hûn kerema xwe vî bênamûsî, vî bêarî êdî bisekinînin, bisewrînin. Pentagon jî ket xolê ango dewrê û xwest wî bikuje û ji ser şiyankariyê wergerîne.

Serencam ew peyana sewrekariyê ji aliyê dûgelêan NATO`ê ve, ên sereke ve hat eywezandin û neritandin.

Hemû mesele ev bû

Lê bi ser neket.

Min tu caran hezî Erdoxanî gucînijad nekiriye, lêbelê ez tu caran navêm ku sewreyek biqewime û şiyankariyeke leşkerî bitifike û bê serê dewletê. Ev helbet xetereyeke ji Erdoxanî jî mezintir e. Ewê ku sewrê bikin Korkemoparêzên faşîst û nijadperest in û ji hemû şiyankaran bi xeteretir in, jakawtirin, erjengtir in. Lêbelê piştî derbeyê mirov dibîne ku partiya Nijdiyan an Nijdevanan ku AKP î ango Partiya Dad û Geşê ne ku navê wan di heyna `şerê sirîn` a berê derbeya 12 yê îlonê 1980 yî radibire de helwesteke din nîşan dan û bi gotina Erdoxanê Gurcînijad ew sewre ji xwe re wekû `niwasta Xwedê` pejirand û ew derawaya sewreyê bedkarane siviyand. Wî ew barûdox ji xwe re kir hincêt û arav zorbaziya xwe pê zeximand.

Partiya Nijdiyan ku ji kujer û talankerên berê sewreya 12 îlonê 1980 hatibû damezirandinê, ji aliyê NATO ve jibo li dijî Çepparêzan û alîgirên Sovyêtan şer bikin hatibûn veçinandin û vebihandin û peywirandin. Berê bi wan re akincilar ango nijdiyan ango nijdevan dihat gotin. Lewma ew alîgirên AKP-PDG gelek kêfxweş dibin gava mirov bi partiya wan re dibêje AK Partî. Berê 12 yê Îlonê hemû saziyên wan bi nave AK ê destpê dikir ku ew ji kurteya `akincilar` ê ye weke ak sendika,, ak zexnepûrt, heta ku îro AK pelesî derketibe.

Bira li welatekî dîktator hebin bira du diktator tune bin ger du diktator hebûn delîl li halê hejaran, wax li halê feqîran û way li rewşa kurdan.

Wê malik li me divirite

Lewme ez ji ber hemûyan û azlû û awêne helwesta xwe daxuyan dikim û dibêjim ez li dij hemû sewrekariyan im, ez li hember derbekarên bear im. Ew kesên ku bi sewrê,ango bi zor û zeverê bên ser karê wê çi xêra me jê hebe.

Hîç

Sersedema vê sewrê bi rastî jî Tombalacî Recep ango Recoyê Terpilbaz e, Erdoxanê gurcînijad e . Wî welatekî nîv-demokratîk , kir dîktatoriyeke bi rêk û pêk . Êdî kes nikane bibêje li Tirkiyê demokrasî heye, şiyangelî heye, kes nikane bibêje mafên mirovan hene, heq heye hiqûq heye, dad heye darêzgêriya serbest heye. Bi rastî jî îro jî û ji ber sewreya 15 tîrmehê jî Erdoxanê gurcînijad Tirkiye kir dîktatoriyek,lê belê hemû astengiyên xwe bi arava sewreya 15 tîrmehê jî yeko yeko ji hole rakirin. Ew nika bi tenê serê xwe ,sobe welatekî bi wajoya xwe tenê didolivîne. Ew êdî nema bi dilê xwe ji ser text,ji ser hûkmê,ji ser şiyankariyê diçe. Heta zorbazekî wekû nefsê xwe dernekeve û bi pêhnê li serê wî nejene ew ji wan deveran danayê xarê. Êdî ne hilbijartin tên daraştin ne jî dabaşa demokrasiyê tê kirin. Ew tiştan êdî li Tirkiyê nayên mijaran.

Kurteya peyvê ev ku erdoxanê gurcînijad di nava sewreyê de sewre li sewrê kir û bi xwe jî bû sersewrekar.

Rastî ev e

Wî li 7 pûşperê sala bihûrtî gava hilbijartin hatin li dar xistin encamên wê qebûl nekirin û hilbijartin betal kir û cardin di nava keftelefta şer û cewşeniyê de hilbijartin kirin da,wê roja hanê helca dawîn a ber bi dîktariyê ve bû. Li 7 pûşperê dê Erdoxanê gurcînijad hat terqa riyê an ber bi dîktatoriyê biçûya an jî ji ser hûkmê daketa. Gelek mixabin ew tirsiya û wî riya dîktatoriyê da ber xwe û bû dîktator . Piştra derbe bû mixrikên wî xwestin vî kesê nagunce rêzikên lîstikê li derî rêzikên lîztikê ji ser text wergerînin. Lê Erdoxanê gurcînijad hêgîn û cerbez derket û mixrikên xwe beralî kirin li ser têxt ma. Hemû mixrik û rikeberên xwe derdest û destgîr kirin,hemû mal û milkê wan çopand. Hemû rêber û peşarên kurdên diyar û berbiçav barimte kirin.

Lêbelê hê karesatinên mezintir li pêş me ne ,ger hêzên navnetewî nekevin xolê û wî dîktatorê bêşerm û bêheya ranewestînin,ew bi sere xwe re tevde sere gelekan bixwe. Rewş wisa dixuye.

Ev rastî bê guman e

Dewletên sereke ên NATO`yê Emerîqa, Îngîlistan û Frenkistan e. Dûgela Almanyê hertim piştevaniya dûgela tirk û hikûmeta Erdixan dike. Nika dûgela Alman û dûgela Tirk hevalbendên hev in. Bira tu kes li dijî vê pênihatê tu dozên din neavêjin naverastê.

Piştî terora dûgela tirk a bi destê DEÎŞê li şehrê Nice`ê ku ji berî wê jî gelek çalakî û pelamarên sawkar li van welatên ewropî ji aliyê dûgela tirk a ku di bin zorbaziya Erdoxanê gurcînijad de ye hatine rewandin,navenda NATO` yê li hev civiyan û gotin êdî bes e ji vê Erdogxanê gurcînijad re û sewrekeyeke ku ji berê de amade kirine, kirin nerîtê û peyana 15 tîrmehê rû da.

Fettulah Gülen bi destê dûgela tirk hat dirêjandin,mezinandin. Ew bi xwe dermaleya dûgela tirk bû. Bê guman ew bixwe endamê sîxûrtiya dûgela tirk bû. Li ser sixûrtiya dûgela tirk hê sixûtrtiya dûgela Amerîqa`yê jî heye mirov nizane ku endamekî rêxistinên zanyariyê ji bilî dûgela herêmê ka suxreya kîjan hêzên giloverî dikin. Her endamekî hêzên herêmî di heman demê de endamê hêzeke navnetewî ye ango hêzeke giloverî ye jî.

Ew jî awêne û pendî ye

Mûhterem Fettullah Gulen effendî hazretlerî ku nişk ve bû feto helbet maya xwe di nava sewreya 15 tîrmehê de heye lê ew tenê zembereyeke biçûk e. Ve zembereyê ku ji sewreya 1960 pê ve tê eywezandin peywira xwe di vê derbê de tenê îstixbarat bû ango zanyarî

Vê yekê her kes dizane.

Lêbelê gava ew ket bin serperiştiya NATO` yê wî piştevaniya NATO` yê kir ku derbeyek li Erdoxanê Gurcînijad bixin û wî ji ser şiyankariyê bipengizînin û qûnê ser wî re biqilozînin.

Arîşeya Erdoxanî ew bû ku bi xelîfe be, bi Siltan be û şehînşahiya Osmniyan cardin ava bike. Ji vî hawî bi vê awayî wî maya xwe kir Sûriyê,maya xwe kir Qibtê û Hebeşistanê. Armanca wî marastina Hebeşistanê û hê bi berfirehî hemû Efrîqa bû û ku di wir re derkeve sûka Efrîqayê. Hem ji xwe re kanistanên nû bi peyidîne hem jî ji xwe sûkên nû marastgehinên nû ji gilaheyê xwe ên nûgihiştî re bihinkivîne. Derdê wî marastkariya nû ango kolonyalizma nû bû. Wî jî wek Îtaliyê berê çawa hinek gemirî çav berda Hebeşistanê ku Hebeşistan welatê feqîran e lewma ji hejaran da serdifetihinîn. Mala minê çi guneh e ku Ev Hebeşisan jî wek Efxanistanê ye wek Kurdistanê ye, kî bitir bû ,kî har û hêç bû kê benê stûyê xwe qetand dadibeze van welatên feqîran.

Hem li hebeşistanê hem jî li Sûriyê,bi wê nebû him ji li Qibtê ango li Misrê tûşî berjewendiyên Frenkistanê bû. Erê Erdoxanê Gurcînijad çû çû tiliya xwe qûlê dupişkê re kir û dûpişkê jî bi wî ve de. Nika diqîre û dijine ku dûpişkê pêve daye.

De here bira diya te tiliya te bimije.

Çend cûre Deîşê (Dewleta Îraq û Şamê) hene

1. DEÎŞ a ku ji aliyê Firengistanê ve hatiye damezirandinê ku hem li Tirkiyê hem jî li Sûriyê bergîdank û berginda terora dûgela tirk dike, gerewa êriş û rikêfên dewleta tirk a maytêker dike.
2. DEÎŞ a ku ji aliyê tirkiyê ve hem li Tirkiyê hem li Ewropa hem li Sûriyê hem jî damezirandiye ku li Tirkiyê li kurdan dixe xasma jî li HDP dixe,li Sûriyê li hemberê YPG şer dike. Li Ewropa li Frenkistanê û hevpeymanê wê Belgiyê dixe,
3. DEÎŞ a ku Emerîqa li Îraqê ava kiriye ku li aliyekî pê xuhermenda Bexdayê dizgîn dike li aliyê din jî jibo berfireh kirina erdê xweseriya Kurdistanê dike hincêt da ku Pêşmerge ango artêşa Kurdistanê ev warên ku kurdnişîn bûn lê ji tirs Îranê û Tirkiyê re Emerîqa nediwêrî hemûyan bi Kurdistanê ve bibende, bi hêsanî di bin pişkinîn xwe ke.
4. DEÎŞ a ku ji aliyê dûgela Sûriyê ve hatiye damezirandinê ku li Sûriyê cihê ku rejîm tê nagihije di binê pişkinîna xwe ke dakû mixirkên Esad li wan deveran bisernekevin. Li aliyekî jî gerewa êrişên artêşa tirk a xwînrêj bi awayekî nixaftî dide li ser nave DEÎŞ`ê.
5. DEÎŞ a ku ji aliyê dûgela tirk ve li îraqê hatiye ava kirin ku ji aliyekî de Mûsil dagir kir ji aliyekî ve êrişa li ser Kêrkûkê daraşt li aliyê din jî li ser navê sîxûrtiya tirkiyê dibizive û li dij kurdên êzîdî êriş kirin û nijadkujiya Êzîdiyan pêk anî hê jî li wan deveran karûbarên xwe ên gemar didomîne.
6. Ez pê hê sihê bawer neme ku ka DEÎŞ `eke ji aliyê Rûsyayê ve jî hatiye damezirandinê heye an ne.

Hafilî li nêveng û naverastê gelek cûre DEÎŞ hene ku hemû rêxistinên sawkar û hov ên dûgelên giloverî û dûgelên herêmî ne. Tu DEÎŞ ên bi sere xwe, azadane,serbest an ji nava gel derketibin tune ne. Van rêxistinan tu peywendiyên xwe bi misilmendiyê re jî tune ne. Erdoxanê Gurcînijad çi hinde misilmend e,ev rêxistina sawkariyê jî ango DEÎŞ jî ew hinde misilmend e.

Rastî ev e û tu caran nayê serpoşandin.

Ev şerê seyemîn ê cîhanê ye. Hêviya min ew e ku hê gur nebe. Lê belê wisa dixuye ku mirovatiyê ji şerên cîhanê ên yekemîn û duyemîn hê tu zende wernegirtine. Hê devên wan germ in û şerekî cîhanê ê seyemeîn û gir û gewre li beranberê gelên cîhanê dibelite.Lewma li Tirkiyê jî rewş her ku diçe xirab dibe û wê hê jî xirab bibe. Heta Edoxaxanê gurcînijad û zorbaz li ser şiyangeliyê ma û bi darê zorê welat dolivand û debirand tu caran aştî nayê welatên me û tu caran demokrasî bicih nabe.

Nika êdî li Tirkiyê tu kêşeya kurdî nema. Kêşaya kurdan û tirkan a herî bilez û sojinde hilweşandin şiyankariya zorbazê mezin ê herêmê Erdoxanê Gurcînijad e.

Peywir û erka herî giring û pêşîn ev e.

Cellikanî

Zûrîx

02.11.2016

Schreiben Sie einen Kommentar

Ihre E-Mail-Adresse wird nicht veröffentlicht. Erforderliche Felder sind mit * markiert.